Чăваш чĕлхи – пирĕн тăван чĕлхе. Ăна атте-анне парнеленĕ, хамăрăн çепĕç чĕлхепе эпир мĕн пĕчĕкрен куллен калаçса ÿсетпĕр. Чăваш чĕлхи – чи авалхи тĕрĕк чĕлхисенчен пĕри. Пирĕн халăх паянхи тăван чĕлхене, юрăсене, йăла-йĕркесене упраса хăварма пултарнă. 2023 çулхи ака уйăхĕн 25-мĕшĕнче  Иван Яковлевич Яковлев çуралнăранпа 175 çул çитет. Шкул çумĕнчи ача садĕнче çӳрекенсем те Иван Яковлевич çинчен пĕлсе ӳсеççĕ. Гаврилова Е.В. воспитатель  ачасене чăваш халăхне çутта кăларакан  И.Я. Яковлев ĕçĕ-хĕлĕпе паллаштарчĕ. Иван Яковлевич ячĕ пирĕншĕн яланах хисеплĕ те чыслă. Унăн ĕҫĕсене паянхи кун та асра тытса пыратпăр.