Нарăсăн 21-мĕшĕ - Пӗтӗм тӗнчери тӑван чӗлхе кунĕ. Ăна ЮНЕСКОн Тӗп конференцийӗн пуҫарӑвӗпе 1999 ҫултанпа паллӑ тӑваҫҫӗ.Тĕнчере чĕлхесем шутсăр нумай, пĕтĕмĕшле илсен 6 пине яхăн тĕрлĕ чĕлхе тесе палăртаççĕ. Кашни чĕлхе наци культурине палăртакан инструмент, чун-чĕм тата матери эткерне аталантарса сыхласа хăвармалли хатĕр пулса тăрать. Кашни халăх чĕлхи хăйне майлă, кунсăр пуçне тата нацин тĕнче ăнланăвне (менталитетне), йăли-йĕркине палăртакан мелсемпе уйрăлса тăрать. Чĕлхе çыннăн ăс-тăнне йĕркелет. Чĕлхене пĕлни çыннăн тавра курăмне майлаштарма, урăх çĕр-шывăн культурине тарăн курма пулăшать. Мĕн пур чĕлхене чĕлхе тесе йышăнни, кашнинех хисеплени пĕтĕм тĕнчере тăнăçлăх тума май парать. 1999-мĕш çултанпа ЮНЕСКО организацийĕн Аслă конференцийĕ пуçарăвĕпе кашни çулах нарăсăн 21-мĕшне чĕлхе культурин нумай нацилĕхне, унăн нумай енлĕхне тата нумай чĕлхелĕхне аталантарма пирĕн тивĕç пуррине аса илтерсе тăракан Тĕнчери халăхĕсен тăван чĕлхе кунĕ тесе паллă тăваççĕ.

          Ҫак куна халалласа пирĕн шкулта та тĕрлĕ ĕçсем туса ирттертĕмĕр. 1-мĕш класра вĕренекенсем И.Я.Яковлев букварĕ тǎрǎх ӳкерчĕксен конкурсне ирттерчĕҫ, 2-мĕш класра вĕренекенсем И.Я.Яковлева халалланǎ презентаципе паллашрĕҫ, 4-мĕш класра вĕренекенсем «Ытарлǎ сǎмахлǎх» тата «Айван ыйту» конкурс ирттерчĕҫ.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  -          5-9-мĕш класра вĕренекенсемпе тǎван чĕлхе кунне халалласа  «Манǎн тǎван чĕлхе –чǎваш чĕлхи» темǎпа калаҫу ирттерчĕç. Кашни ҫыншӑнах хӑйӗн тӑван чӗлхи хаклӑран та хаклӑ пуянлӑх. Чӑваш чӗл­хи – пирӗн халӑх кун-ҫулне палӑртакан наци ӑс-хакӑ­лӗн паха ет­ке­рӗ, вӑл наци мешехисемпе йӑли-йӗркине тата пат­шалӑхӑмӑра сӑн­ар­ла­кан тӗп символ пулса тӑрать.   

           XX вĕçĕнче — XXI ĕмĕр пуçламăшĕнче чăваш чĕлхин аталану хăвачĕ чакать. Пурнăçра усă кураслăхĕ йăшса пырать. Калаçакансен йышĕ хăвăрттăн пĕчĕкленет. Çакăн сăлтавĕсене уçăмлăн тата тĕплĕн палăртасси тата унашкал лару-тăруран тухас çулсене уçăмлатасси хăйне майлă кăткăс ыйту шутланать. Анчах та тÿрех паллă, ку ĕçре патшалăхăн вăйăмĕ пысăк пулма тивĕçлĕ. Влаç ресурсĕне вăя кĕртмесĕр çитĕнÿсем тума майсем çукраххи витĕр курăнса тăрать.

             ЮНЕСКО евичĕпе, чăваш чĕлхи тĕнчери чĕрĕ халăхсен çухалса пыракан чĕлхесен ушкăнне лекнĕ.