Пĕтĕм тĕнчери тăван чĕлхесен тата театр çулталăкне  халалласа ака уйăхĕн иккĕмĕшĕнче  районта фестиваль  иртрĕ.   Фестивале ачасен  тăван чĕлхене вĕренес, илемлĕ литературăна вулас туртăмне, театр ÿнерлĕхĕпе кăсăкланас  туйăмне, хăйсене сцена çинче тытма пултарас  енĕсене ÿстерес енĕпе йĕркеленĕ.  5-8-мĕш класра вĕренекенсем  чăваш чĕлхипе çырнă  юптарусене  сцена çинче кăтартса  пачĕç. Жюри членĕсем инсценировкăсене  ачасем  тăван чĕлхепе уçăмлă, илемлĕ  калама пултарнине, вĕсен ăсталăхне,  сасăпа,  хусканупа сăнара уçса пама пултарнине, сăнара калăпласа пама косюм хатĕрленине шута илсе  хакларĕç. Пирĕн  шкулта  вĕренекенсем Сабакаева Александра тата Иванов Кирилл дипломсем  илме тивĕç пулчĕç.