И. Я. Яковлев çуралнăранпа 169 çул çитнине кĕçĕн классенче вĕренекенсем ялти вулавăшра паллă турĕç. Вулавăша ертсе пыракан Михайлова Л. И. тата кĕçĕн класри ачасене вĕрентекен Чернова Г. В. Иван Яковлевичăн кун-çулĕпе тата ĕçĕ-хĕлĕпе паллаштарчĕç. Петрова Т. А. ертсе пыракан 1-мĕш класс  ачисем  пĕчĕк калавĕсене ытти ачасен умĕнче выляся кăтартрĕç.  Чăваш халăхне çутта кăларакан çыннăн пурнăçĕ пуриншĕн те кăсăклă. Унăн паттăрлăхпа танлашакан  ĕçĕсене тишкерсе çырнă кĕнекесемпе, хăй çырнă хайлавсемпе паллашма пултарчĕç шкул ачисем вулавăшра.