Февралĕн 24-мĕшĕнче йăлана кĕнĕ йĕркепе Вăрмар поселокĕнчи тĕп стадионта «Хĕрлĕ ялав» хаçат парнисене çĕнсе илессишĕн йĕлтĕр ăмăртăвĕ иртрĕ. Мерпориятие район администрацийĕн пуçлăхĕ А.Тихонов, «Хĕрлĕ ялав» хаçатăн тĕп редакторĕ З.Павлова хутшăнчĕç. Йĕлтĕр йĕрĕ çине районти шкул ачисем, уйрăм çынсен командисем тăчĕç. «Йĕлме йĕлтĕр йăлтăр-ялтăр, шуса тухрăмăр хире», çак сăвă йĕркисем аса килчĕç ăмăртăва хутшăнакан ачасене курсан. Хаваспах вĕсем пĕрин хыççăн тепри маларах чупса тухассишĕн тăрăшрĕç. Ҫак ăмăртура пирĕн шкултан 5 команда хутшăннă, кашни  команди 1-мĕш вырăн йышăннă.  Çĕнтерÿçĕсемпе призерсем Хисеп грамотисемпе медальсене тивĕçнĕ.