Ака уйăхĕн 25-мĕшĕнчен 1993 ҫултан пуҫласа кашни ҫул тăван халăхăмăр Чăваш чĕлхи кунне уявлать. Ҫак кун чăваш ҫырулăхне  йĕркелекенĕ Иван Яковлевич Яковлев ҫуралнă. Пирĕн шкулта вĕренекен кĕҫĕн класс ачисем те ҫак уява чысларĕҫ.

          Вĕсене вĕрентекенсем И.Я.Яковлев кун-ҫулĕпе паллаштарчĕҫ.

         Чăваш чĕлхин илемне , ҫепĕҫлĕхне туйма вĕрентес  тĕллевпе ачасем  хушшинче  сăвă вулакансен конкурсĕ иртрĕ.Пысăк туйăмпа  Королькова Милена, Львова Елена, Ницер Данил, Арефьева Дарья, Семенова Татьяна сăвăсем каларĕҫ. Ҫавǎн пĕкех 5-9-мĕш классенче вĕренекенсем  «Пĕтĕм чǎваш диктанчĕ 2016» ҫырчĕҫ.