Чǎваш чĕлхи кунне халалласа «Эпир чǎваш йǎхĕнчен» литературǎпа музыка композицийĕ иртрĕ.
Уявра илемлĕ чǎваш сǎввисем, юррисем янрарĕç. Чи илемлĕ вулакансем Иванова Кристина (7 кл.), Иванова Диана (7 кл.) тата Васильев Алексей (6 кл.) пулчĕç. Виççĕмĕш класра вĕренекенсем И.Я.Яковлев çырнǎ калавсем тǎрǎх «Йǎлǎнтарни» тата «Кулачǎ» сценка лартса пачĕç.
Уява килнĕ ялти библиотекарьсем Надежда Петровǎпа Любовь Михахлова ачасене И.Я.Яковлев пултарулǎхĕпе паллаштарчĕç, вĕсемех викторина ирттерчĕç. Чи ǎнкаруллисем Александров Александр Ю. (4 кл.), Корольков Артём (3 кл), Михайлова Оксана (4 кл) пулчĕç.
И.Я.Яковлева халалланǎ презентацисемпе 9 – мĕш класра вĕренекенсем Георгиева Алёна «Чǎваш улǎпĕ», Петрова Оля «Чǎваш калавĕсем», Зарева Любовь «Чĕмпĕрти чǎваш шкулĕ» паллаштарчĕç